Казакстанда кармалгандардын арасында коңшу өлкөнүн жарандары да бар экени айтылууда

Казакстанда ИИМ тарабынан кармалгандардын арасында коңшу өлкөнүн жарандары да бар экендиги айтылууда. Бул тууралуу ИИМдин маалыматына таянуу менен казак басылмалары жазып чыгышты.

Маалыматка ылайык, Казакстанда полиция кызматкерлери 4266 адамды колго түшүрүшкөн. Алардын арасында башка өлкөнүн жарандары бар экени да айтылган. Бирок маалыматта кайсы өлкөнүн жарандары экени так айтылган эмес.

Жамааттык коопсуздук келишим уюмунун тынчтык орнотуу миссиясына катышуу үчүн Казакстанга барган аскердик бөлүмдөр коюлган милдеттерди аткарууга киришти. Казак басылмалары жазган маалыматка ылайык, тартылган аскерлер коргоо боюнча гана тапшырмаларды аткарышат.

Кечээ, 7-январда кыргыз аскерлери Жамааттык коопсуздук келишим уюмунун тынчтык орнотуу миссиясына катышуу үчүн Казакстанга учуп кетишкен.