Казакстанда баш аламандыкта канча адам каза болгону айтылды

Казакстандагы баш аламандыкта 164 адам каза болду. Бул тууралуу Sputnik Казакстан басылмасынын Телеграм каналына жарыяланды.

Алардын ичинен:

Алматыда - 103 адам, анын ичинде 2 бала бар.
Кызылордо облусу - 21 адам
Жамбыл облусу - 10 адам
Алматы облусу - 8 адам

Ал эми 2 265 адам медициналык жардам алуу үчүн кайрылган.

Эске сала кетсек, Казакстанда нааразычылык акциялары бир нече күн мурун башталган. Жергиликтүү тургундар унаага куюлуучу газдын баасын арзандатууну талап кылып, өз шаарларынын көчөлөрүнө чыгышкан. Казакстанда жаңы жылдан кийин эле газдын баасынын литри 60 теңгеден 120 теңгеге чейин көтөрүлгөн.

Митингчилер республиканын биринчи президенти Нурсултан Назарбаевден саясаттан кетүүнү талап кылышкан. Казакстанда өзгөчө абал режими киргизилип, өлкөнүн өкмөтү отставкага кеткен.