"Кырдаалдан ички жана тышкы күчтөр пайдаланып кетти". Путин Казакстандагы абал тууралуу сүйлөдү

Бүгүн, 10-январда ЖККУнун Жамааттык коопсуздук кеңешинин кезексиз сессиясы онлайн режиминде өтүп жатат. Анда Казакстан Республикасындагы абал жана аны жөнгө салуу чаралары жөнүндөгү маселе талкууланууда. Орусиянын президенти Владимир Путин Казакстанда болгон окуя тууралуу сүйлөдү.

"Казакстандын президенти ЖККУнун мүчөлөрүнө анын өлкөсүнүн коопсуздугуна, бүтүндүгүнө жана эгемендигине чакырыктарга туш болгондугуна байланыштуу кайрылуу жасаганын баары билет. Кырдаалдан ички жана тышкы күчтөр пайдаланып кетти. Газ боюнча сүйлөгөндөр бир эл, максаттары бир. Ал эми кол салгандар башка максаттарды көздөгөн адамдар. Казакстан президентинин кайрылуусу бардык ЖККУнун мүчөлөрү тарабынан колдоо тапты. Уюм кыска мөөнөттүн ичинде бардык зарыл чечимдерди тез кабыл ала алды. ЖККУ механизми чындап ишке киришти", - дейт Путин.