Бишкекте Toyota Estima унаасы оодарылып, 3 жөө адамды басып кала жаздады (видео)

Унаа оодарылып 3 жөө адамды басып кала жаздаган видео боюнча SUPER.KG порталына Милициянын кайгуул кызматынын басма сөз кызматынан билдиришти.

"2021-жылдын 23-декабрында болжол менен саат 16:30 чамасында 1991-жылы туулган Ж.Э. аттуу айдоочу Toyota Estima үлгүсүндөгү автоунаа менен Москва көчөсү менен күн чыгышты көздөй бара жатып, Абдрахманов көчөсүнүн кесилишинен түндүк багытка бара жаткан 1993-жылы туулган О.Ү. аттуу айдоочунун башкаруусундагы Mercedes-Benz үлгүсүндөгү автоунаа менен сүзүшкөн.

Бул жол кырсыгынан Mercedes-Benz үлгүсүндөгү автоунаанын айдоочусу жабыркап "Тез жардам" кызматы менен ооруканага жеткирилген. Бул факты боюнча эки унаа тең убактылуу айып короо жайына токтотулуп, тийиштүү экспертизалар дайындалып, жол кырсыгынын келип чыгуу себептери такталууда" - деп айтылат маалыматта.