Коронавирустан акыркы суткада 102 бейтап сакайды. Ооруканада дагы миңдей адам дарыланууда

Акыркы сутка ичинде республика боюнча COVID-19 жана пневмония илдетинен 102 бейтап айыгып үйлөрүнө чыгарылды. Саламаттыкты сактоо министрлигинен кабарлашкандай, алар төмөнкү аймактарда:

Бишкек шаары – 63;
Чүй облусу – 15;
Ош облусу – 9;
Талас облусу – 3;
Ысык-Көл облусу – 2;
Жалал-Абад облусу – 9;
Баткен облусу – 1.

Кыргыз өлкөсүндө коронавирус илдети катталгандан бери ооруга чалдыгып айыккандардын саны жалпы 181 миң 72 бейтапты түздү.

Ал эми бүгүнкү күнгө карата республиканын медициналык жайларында коронавирус инфекциясынан 907 бейтап дарыланууда. Амбулатордук дарыланууда 4167 бейтап бар.

Ооруканада жаткан бейтаптардын ичинен 318 бейтап оор абалда, 52 бейтап өтө оор абалда жатат.