Нурсултан Назарбаев Казакстандагы баш аламандыктар боюнча алгачкы жолу кайрылуу жасады

Нурсултан Назарбаев Казакстандагы баш аламандыктар боюнча алгачкы жолу кайрылуу жасады.

Анда Казакстандын биринчи президенти өлкөдөгү баш аламандыкты экстремисттердин аракетинин натыйжасы атап, учурдагы Казакстандын президенти Касым-Жомарт Токаевди колдоого чакырган.

Белгилей өтсөк, коңшу өлкөнүн басылмалары жазгандай, баш аламандык учурунда жалпы 225 адам каза болгон. Анын ичинен 19у укук коргоо органдарынын өкүлдөрү. Ошондой эле баш аламандыкта жалпы 4578 адам жаракат алган.

Эске сала кетсек, Казакстандын шаарларында нааразычылык акциялары 4-январда башталган. Митинг полиция менен кагылышууга жана тополоңго чейин жетип, өлкөдө өзгөчө кырдаал жарыяланып, өкмөт отставкага кетти.