Кыргызстанда дарыгерлердин жетишсиздигине айлык маянанын аздыгы себеп болууда

Анын айтымында, учурда саламаттыкты сактоо тармагында 700дөй дарыгер жетишпейт. "2013-жылдын 9 айында өлкөнүн саламаттыкты сактоо системине 730 жаңы кызматкер келген, ошол эле маалда 650 кызматкер кеткен. Кыргызстандагы дарыгерлердин жетишсиздиги айлыктын аз болушуна байланыштуу",- деди ал. 

Мындан сырткары бүгүнкү күндө дарыгерлердин орточо айлык акысы 8-10 миң сомдун тегерегинде экенин кошумчалады. Калган медициналык кызматкерлер айына 7-8 миң сом алышат. 2011-жылы дарыгерлердин айлыгы көбөйгөнгө чейин бул көрсөткүч дарыгерлер үчүн 3,5 миң сомду, ал эми калган медкызматкерлер үчүн 1,5-2 миң сомду түзчү.