Ижарага алган жол тандабасты сатып жиберген. Бишкекте 27 жаштагы жаран алдамчылыкка шектелүүдө

Бишкекте ижарага алган унааны сатып жиберген 27 жаштагы жаран кармалды. Свердлов РИИБинен кабарлашкандай, учурда шектүүнүн мындан башка дагы кылмыш иштерине катыштыгы бар же жогу териштирилүүдө.

Маалыматка ылайык, 17-январда Бишкек шаарынын тургуну милиция кызматкерлерине арыз менен кайрылып, ижарага берген унаасын сатып жиберген жаранга карата чара көрүүнү өтүнгөн.

"Анда Б. аттуу жаран ишенимге кирип, Тойота 4RUNNER үлгүсүндөгү унааны ижарага алып, андан кийин сатып жиберип, жашынып жүргөн.

Бул факты Кылмыштардын жана жоруктардын бирдиктүү реестрине 209-берене ("алдамчылык") менен катталды.

Сотко чейинки тергөө иштеринин жүрүшүндө 1994-жылы туулган А.Ж. кылмыш ишине шектелип кармалып, убактылуу кармоочу жайга киргизилди", - дешти мекемеден.

Сүрөттөгү жарандан жабыркагандар болсо же ал тууралуу маалымат билгендер болсо кабар берип коюуну милиция кызматкерлери өтүнөт.

Байланыш номерлери: 0 704 103-102, 0 556 363-000, 0 707 07-88-33 же 0 312 43-28-15,102.