Бычак менен коркутуп телефонун жана 168 миң сомун тартып алышкан. Бишкекте карактоого шектүүлөр кармалды

Бишкек шаарынын тургунун карактап кеткенге шектелип 3 адам кармалды. Мындай факты 2021-жылы 4-декабрда катталганын Свердлов РИИБинин маалымат кызматынан кабарлашат.

Шаар тургунун 4-декабрда саат 20:30 чамасында көчөдөн белгисиз адамдар бычак такап коркутуп телефонун, 168 миң сомун тартып алышкан.

Бул факты Кылмыштардын жана жоруктардын бирдиктүү реестрине каттоого алынды.

"Сотко чейинки тергөө иштеринин жүрүшүндө шектүү катары 1993-жылы, 1984-жылы жана 1994-жылы туулган жарандар кармалды. Учурда алар убактылуу кармоочу жайда, тергөө амалдары улантылууда", - дешет мекемеден.