2012-жылы Кыргызстандагы тоо-кен ишканаларындагы кырсыктар 17 адам өмүрүн алып кетти

Жыл башынан бери Кыргызстандагы тоо-кен ишканаларында 17 адам каза болгонун бүгүн Экологиялык жана техникалык коопсуздук мамлекеттик инспекциясынын статс-катчысы Таалайбек Асылбеков маалымдады. "2011-жылы тоо-кен тармагында өлүм менен коштолгон 34 кырсык болсо, 2012-жылы 17 каргаша катталды" деп билдирип, мындай кырсыктар көбүнчө коопсуздук эрежелеринин сакталбаганы менен байланыштуу болорун кошумачалады Асылбеков.