Пайдалуу кеңеш: Жер тоңгондо унаанын дөңгөлөгү тайыбашы үчүн эмне кылуу керек?

Кышында айдоочулар унаа башкарууда кыйынчылыктарга туш болушат. Катуу суукта жолдор тайгак болуп турган учурда унаанын дөңгөлөгүнүн желин бир аз чыгарып койгон жакшы. Бул тууралуу орусиялык басылмалар жазып чыгышты.

Маалыматта айтылгандай, жер тоңуп турганда желге толуп турган дөңгөлөк бат тайып кетиши мүмкүн. Тоңгон жерге дөңгөлөк көбүрөөк жабышса, ошончолук жакшы. Анткени жели азыраак дөңгөлөккө көп күч келбейт.

Ошондой эле бул жааттагы адис Дилшат Маматов унаа кыймылдаткычынын иштен чыгышына эмне себеп болорун белгиледи.

"Унаабызды канчалык деңгээлде сүйүп, көңүл буруу менен карасак, ошончолук бизге кызмат кылат жана бузулбайт. Фильтрди убагында тазалап, текшертип турушубуз маанилүү. Көбүнчө чаң баскан фильтрлер тазаланбай калгандыгы үчүн аз убакыттын аралыгында тез-тез бузула баштайт. Аны менен гана чектелбестен, майдын сапатына да өзгөчө маани беришибиз керек", - деген ал.