Футзал: Кыз-келиндер боюнча Кыргыз курамасы Иранга экинчи ирет ири эсепте утулду

Коңшу Тажикстандын борбору Дүйшөмбү шаарында өтүп жаткан "CAFA Women’s Futsal Championship 2022" турниринин алкагында футзал боюнча кыз-келиндер арасындагы Кыргыз улуттук курама командасы Иранга экинчи ирет ири эсепте утулду.

Экинчи оюн бүгүн, 25-январда өтүп, анда Кыргыз курамасы 5:0 эсебинде жеңилген.

Бул Кыргыз улуттук курама командасынын аталган турнирдеги үчүнчү ири жеңилүүсү. Улуттук курама турнирдеги алгачкы жолугушуусун Тажикстан курама командасына каршы өткөрүп, 1:1 эсебинде тең чыккан. Экинчи оюнда улуттук курама Өзбекстанга 11:0 эсебинде жеңилип калган. Үчүнчү оюн кечээ, 24-январда өтүп, анда Кыргыз курамасы Иранга 0:10 эсебинде жеңилген.

"CAFA Women’s Futsal Championship 2022" турнири 29-январга чейин созулат. Турнирге Кыргыз өлкөсү, Иран, Өзбекстан жана Тажикстандын курама командалары катышууда.