Чек ара кызматы: "Төрт-Көчөдө абал салыштырмалуу чыңалууда"

Бүгүн, 27-январь саат 18:30га карата Кыргыз-Тажик мамлекеттик чек ара аймагындагы кырдаал салыштырмалуу чыңалуу деп мүнөздөлүп жатканын Чек ара кызматынан билдиришти.

"Саат 17:30дан 18:00гө чейинки аралыкта Тажикстандын чек ара кызматынын чек арачылары бир тараптуу Баткен облусунун Төрт-Көчө аймагындагы Баткен-Исфана унаа жолун жаап алышкан.
Чыр-чатактын күчөп кетпөөсүн алдын алып УКМКнын Чек ара кызматынын Баткен облусу боюнча башкармалыгынын башчысы Кыялбек Төлөнбаев жана Баткен чек ара отрядынын башчысы Рустам Миршакиров чыр-чатак орун алган жерге жөнөп кетишти", - деп жазылат билдирүүдө.

Баткен облусунун мамлекеттик чек арачылары күчөтүлгөн тартипте кызмат өтөөгө өтүштү.

Бүгүн, 27-январда Тажикстандын аскерлери Ош-Исфана жолун тосуп алгандыгы кабарланган.