Кыргыз-тажик УКМК башчылары жолугушуп өкмөттөр аралык комиссиянын ишин жандантуу чечимин кабыл алышты

УКМКнын төрагасы Камчыбек Ташиев менен Тажикстандын УКМКсынын башчысы Саймумин Ятимов жолугушту. Бул тууралуу УКМКнын басма сөз кызматынан билдиришти.

Маалыматка ылайык, жолугушууда Ташиев Ятимов менен чек ара аймактарындагы пикир келишпестиктерди чечүүнүн жолдорун талкуулашты. Ошону менен катар эле алар чек ара чыр-чатактарынын чыгышына шарт түзгөн мындан аркы факторлорду жана шарттарды болтурбоо боюнча кошумча чараларды көрүүнү макулдашты.

Жыйынтыгында мамлекеттик чек араларды делимитациялоо жана демаркациялоо боюнча тараптардын өкмөттүк комиссияларынын ишин кайра баштоо чечими кабыл алынды.