Бишкекте күйөөсү тарабынан токмоктолуп, бирок арыз жазбаган аял: Анын күйөөсү 7 күнгө камакка алынды

Бишкектеги Ахунбаев жана Чапаев көчөлөрүнүн кесилишинде аялын сабаган жаран 7 күнгө камакка алынды. Бул тууралуу SUPER.KG порталына Ленин райондук ички иштер бөлүмү билдирди.

"Укук бузуулар кодексинин 70-беренесинде каралган "үй-бүлөдөгү зомбулук" кылмыш иши боюнча үй-бүлөлүк зомбулук, атайылап физикалык, психологиялык, зомбулук көрсөтүү же физикалык зомбулук көрсөтөм деп коркутуу катары Бишкек шаарынын Ленин райондук соту тарабынан шектүү 1992-жылы туулган А.Д аттуу жаран жети суткага камакка алынды", - деп билдирди Ленин РИИБи.

Буга чейин социалдык тармактарда Бишкек шаарында күйөөсү аялын башка тепкен видео тараган. Видео 30-январь күнү Бишкектеги Ахунбаев жана Чапаев көчөлөрүнүн кесилишинде тартылган.

Ленин райондук ички иштер бөлүмү жабыркаган жаран милицияга арыз жазуудан баш тарткандыгын билдирген.