Бишкекте айрым маршруттук каттамдардын багыты өзгөрдү

Бишкек шаарында бир катар маршруттук каттамдардын кыймылы өзгөртүлдү. Бул тууралуу мэриянын басма сөз кызматынан билдиришти.

Маалыматка ылайык, ар апта сайын Транспорт жана жол-транспорттук инфраструктурасын өнүктүрүү департаментинде коомдук транспорттун каттамдарын кароо боюнча ведомстволор аралык комиссиянын жыйыны өткөрүлөт. Жыйында бул ирет төмөнкү маршруттук каттамдардын багытын өзгөртүү чечими кабыл алынды.

• * №17 автобустук каттамдын кыймылын жарым-жартылай өзгөртүү, Жамгырчинов көчөсүнө кире турган жерди алып салуу чечими кабыл алынды. Андан кийин каттам ошол эле кыймылдын схемасы боюнча жүрөт.
• 
  * Өскөн-Ордо конушунун жашоочуларынын өтүнүчү менен №188 маршруттук каттам Салкын-Төр жаңы конушуна чейин 1 айга убактылуу узартылды, калган схема өзгөрүүсүз калды.
• 
  * №185 кичиавтобустун кыймылы жарым-жартылай өзгөртүлүп, Алыкулов, Гагарин, Азия жана Ак-Дөөлөт көчөлөрү менен акыркы аялдамасы мечиттин жанынан каттайт. №185 маршруттук мындан кийин муниципалдык транспорт болуп саналат.

Белгилей кетсек, Лущихин көчөсүндөгү №42 мектептин окуучулары үчүн 5 кичи автобусту атайын бөлүп берүү чечими кабыл алынды.