АКШда 2 жашар наристе үй-бүлөсүн азаптуу өлүмдөн сактап калды

АКШнын Техас штатында эки жашар наристе үй-бүлөсүн азаптуу өлүмдөн сактап калды. Бул тууралуу чет элдик басылмалар жазып чыгышты.

Маалыматка ылайык, АКШнын Техас штатында 14-январдан 15-январга караган түнү үй өрттөнүп, өрттү 2 жашар бала гана байкаган.

Окуя тууралуу баланын ата-энеси айтып беришкен. Алардын айтымында, 14-январдан 15-январга караган түнү алар беш баласы менен уктап жаткан. Ошол учурда алардын үйүнөн өрт чыккан. Бирок алар коронавирус илдети менен ооруп жаткандыктан, жыт сезүү сезими жоголуп түтүндү сезишкен эмес. Таңкы саат 4:30 чамасында жубайлардын уктоочу бөлмөсүнө 2 жашар баласы кирип, апасын ойготуп ысык деген. Ошондо аял дароо ордунан туруп, күйүп жаткан жалынды көрүп күйөөсүн ойготуп беш баласын сыртка алып чыгып кетишкен. Бактыга жараша, үй-бүлө мүчөлөрүнөн эч ким жаракат алган эмес.

Ал эми өрттүн кесепетинен турак үй жана 2 унаа толугу менен өрттөнүп кеткендиги жазылат маалыматта.