БШК 4 талапкерди каттоодон баш тартты. Алар кимдер?

Борбордук шайлоо комиссиясы 4 талапкерди каттоодон баш тартты. Бул тууралуу аталган комиссиянын басма сөз кызматынан билдиришти.

1. Асанбеков Жаныбек Асанбекович, № 29 Свердлов шайлоо округу боюнча Жогорку Кеңештин депутаттыгына талапкер. Жогорку кесиптик билим жөнүндө жана шайлоо күрөөсүн төккөндүгүн ырастоочу документтерди бербегендиги үчүн каттоодон баш тартылды;

2. Жоробеков Азаматбек Жолборсович, №27 Биринчи май шайлоо округу боюнча Жогорку Кеңештин депутаттыгына талапкерликке көрсөтүлгөн. Жогорку кесиптик билим жөнүндө жана шайлоо күрөөсүн төккөндүгүн ырастоочу документтерди бербегендиги үчүн каттоодон баш тартылды;

3. Керимбеков Бакыт Макенович, №29 Свердлов шайлоо округу боюнча Жогорку Кеңештин депутаттыгына талапкерликке көрсөтүлгөн. Шайлоо күрөөсүн төккөндүгүн ырастоочу документти бербегендиги үчүн каттоодон баш тартылды;

4. Мамбеталиев Данияр Нурланович, №29 Свердлов шайлоо округу боюнча Жогорку Кеңештин депутаттыгына талапкерликке көрсөтүлгөн. Шайлоо күрөөсүн төккөндүгүн ырастоочу документти бербегендиги үчүн каттоодон баш тартылды.

Бишкектин Свердлов жана Биринчи Май округунда кайра шайлоо 27-февралда өтөт. Белгилей кетсек, 28-ноябрда өткөн шайлоодо аталган эки округда шайлоого катышкан жарандардын баарына каршы добуш бергендердин саны көп болгон. Анда Биринчи Май районунда 32,92 пайыз, Свердлов районунда 37,48 пайыз бардыгына каршы добуш берген.