Депутат УКМКнын төрагасын чакырып, чек ара тууралуу маалыматты жабык эшик артында угууну сунуштады

Депутат Нурланбек Шакиев УКМКнын төрагасы Камчыбек Ташиевди чакырып, чек ара тууралуу маалыматты жабык эшик артында угууну сунуштады. Бул тууралуу ал бүгүн, 2-февралда Жогорку Кеңештин жыйынында билдирди.

"Биз 31-январда комитет отурум өткөрүп, анда чек ара боюнча УКМКнын төрагасы жабык эшик артында бир топ маалыматтарды берген. Коомчулукта 39-протокол боюнча сөз болуп жатат. Бул маселе боюнча УКМКнын төрагасы Жогорку Кеңештин жалпы жыйынында айтып берем деген. Ушуну күн тартибине киргизип койсок", - дейт ал.