Депутаттар Жогорку Соттун төрайымынын жана Конституциялык соттун төрагасынын отставкасын колдошту

Бүгүн, 2-февралдагы Жогорку Кеңештин жыйынында Жогорку Соттун төрайымын жана Конституциялык соттун төрагасын кызмат ордунан бошотуу маселеси каралып, колдоо тапты.

Президент Карыбек Дүйшеевди Конституциялык сотунун төрагасынын жана Нургүл Бакированы Жогорку Соттун төрайымынын кызмат ордунан бошотуу тууралуу сунуштама берген. Буга чейин Карыбек Дүйшеев жана Нургүл Бакирова өз каалоосу менен кызмат ордунан бошотуу жөнүндө арыз жазышкан.