Жумуштан алынган Сабырбек Жумабеков Байсалов менен сүйлөшкөнүн айтты

Сабырбек Жумабеков кызматтан кетүү тууралуу президент Садыр Жапаровдун чечимин күтөт. Бул тууралуу ал журналисттерге борбордун алдында интервью берип жатып билдирди.

Жумабеков президент Садыр Жапаровго кайрылуу жолдоду.

"Садыр Нургожоевич, эртең менен мага Эдил Байсалов чалды. "Мындай болбойт деди. Биз азыр комиссия түзүп, оң-терс жактарын карап, президент келген соң чечимди кабыл алат деди".

Министр экөөбүздү чакырып элдештириңиз, мен макулмун дедим.

Министр өзүнүн буйругу менен тиешелүү мекемелерден уруксаты жок, өз билемдик кылып борборду өзгөртүп, жетекчи кылып башкы дарыгер алып келгени мыйзамсыз. Президент кет деп айтса, өзүм эле кетип калам", - деди Жумабеков.

Ошондой эле ал министрлер кабинетинен төрагасынын орун басары Эдил Байсалов менен телефон аркылуу байланышты.

Травматология, ортопедия жана илим изилдөө борборуна директордун милдетин аткаруучу болуп Гулия Кожокматова дайындалганын Алымкадыр Бейшеналиев маалымат жыйында айткан.