Владимир Путинге Орусиядагы мигранттарга карата мыйзамдарды катаалдантуу сунушталды

Орусиянын Тергөө комитетинин башчысы Александр Бастыркин президент Владимр Путинге миграция мыйзамдарын катаалдантууну сунуштады. Бул тууралуу Орусиянын жергиликтүү басылмалары жазып чыгышты.

Маалыматка ылайык, Александр Бастыркин мигранттарга мыйзамдарды катаалдантпаса алардын ортосундагы жаңжалдар күчөп, массалык башаламандыктарга айланып кетиши мүмкүн экенин белгилеген. Ошондой эле ал 2021-жылы мигранттар 33 миңден ашуун кылмыш жасалганын билдирген.

"Орусиянын Тергөө комитетинин катында Кыргыз өлкөсү, Өзбекстан жана Тажикстандан келген эмгек мигранттары, анын айтымында "абалды курчуткан" агрессивдүү эмгек мигранттары тууралуу айткан. Мындан тышкары Александр Бастыркин эмгек мигранттары тиричилик кызмат көрсөтүү чөйрөсүн монополиялап жатканына "олуттуу тынчсызданып" жатканын билдирди", - деп жазылат маалыматта.

Белгилей кетсек, буга чейин Орусиянын Ички иштер министрлиги 2021-жылы Орусияда мигранттар тарабынан жасалган кылмыштардын саны 5,9 пайызга көбөйгөнүн билдирген.