Башкы прокурор "Бүтүн Кыргызстандын" камакка алынган мүчөсү тууралуу маалымат берди

"Бүтүн Кыргызстан" партиясынын камакка алынган мүчөсү Мирлан Ураимовдун ишин прокуратура эми карап баштайт. Бул тууралуу маалымат жыйында башкы прокурор Курманкул Зулушев билдирди.

"Мирлан Ураимов социалдык тармактарда бийликти алмаштыруу жана президент, башка дагы атка минерлерге ат койгон билдирүү калтырган. Бул окуя боюнча прокуратура эми карайт. Тийиштүү экспертизанын жыйынтыгы менен керектүү мыйзам ченемдүү аракеттер жүргүзүлөт", - деди Зулушев.