Москвада Кыргыз жараны мас абалда полицияга кол салды

Москвада эки мигрантты кармоо учурунда алар полицияга каршылык көрсөтүп, кол салды. Бул тууралуу Орусиянын жергиликтүү басылмалары жазып чыгышты.

Маалыматка ылайык, окуя 9-февралда Москванын түштүгүндөгү Царицыно районунда болгон. Чакыруу боюнча келген полиция кызматкерлери эки адам үйдүн короосундагы балдар аянтчасында спирт ичимдиктерин ичип отурганын аныкташкан. Алар мас абалында болушкан.

Аларды кармоо учурунда полиция кызматкерлерине каршылык көрсөтүп, кол салышкан. Полиция кызматкерлери кызматтык куралын колдонууга аргасыз болгон.

Кармалгандардын бири 28 жаштагы Кыргыз жараны болсо, экинчи кылмышкер качып кетүүгө үлгүргөн. Учурда кармалган адам, ошондой эле полиция кызматкери ар кандай жаракаттар менен ооруканада жатат.

Бул факты боюнча тергөө иштери башталды.