Нарында унаа оодарылып 3 киши жабыркады. Арасында 8 жашар кыз бар

Нарында унаа оодарылып 3 киши жаракат алды. Өзгөчө кырдаалдар министрлигинен кабарлашкандай, айдоочу рулга ээ боло албай калган.

Маалым болгондой, Учкун айылында Хонда Одиссейдин айдоочусу рулга ээ боло албай, унаа жолдон чыгып оодарылып кеткен.

Кырсыктын кесепетинен 1980-жылы туулган А.Н. (эркек киши), 1985-жылы туулган К.Н. (аял киши) жана 8 жашар А.А. аттуу кыз жабыркады. Куткаруучулар жабыркаган жарандарды "Тез жардам" кызматкерлерине өткөрүп беришти. 4 куткаруучу тартылды.