Алмазбек Бейшеналиев: "Билим берүү министри кызматынан кетишим менен кайра келишим президенттин чечими"

Депутат Жалолидин Нурбаев билим берүү жана илим министринин милдетин аткаруучу Алмазбек Бейшеналиевден анын кызматтан кетип кайра келишинин себебин сурады. Бул тууралуу бүгүн, 16-февралда Жогорку Кеңештин жыйынында билдирди.

"Сиз министр болуп иштеп кетип, кайра келдиңиз. Бул кызматтан кетишиңизге эмне себеп болду эле?", - деп сурады депутат.

Алмазбек Бейшеналиев: "Министрлик кызматтан кетишим менен кайра келишим президенттин чечими. Ошонун негизинде кайра келип жатам", - деп жооп берди.

Депутат "реформа кылабыз деп жатасыз, сизге ишенебиз" деди.