Баткенде кийим-кече уурдоого айыпталып бир нече өспүрүм кармалды

Баткен шаарында уурулукка шектелип өспүрүмдөр кармалды. Бул тууралуу облустук милициянын басма сөз кызматы билдирди.

Маалыматка ылайык, Баткен шаарында жайгашкан соода түйүндөрүнөн 14-февраль түнү белгисиз адамдар тарабынан сатыкта турган кийим-кечелер уурдалгандыгы боюнча милицияга 3 арыз түшкөн.
"Ууру" рейддик иш-чарасынын жүрүшүндө Баткен районунун Чоң-Талаа, Кара-Бак, Айгүл-Таш, Согмент айылдарынын тургундары аталган уурулукка шектелип кармалды.
Тергөө иштеринин жүрүшүндө кармалган жарандар өспүрүм экендиги аныкталып, уурдалган буюмдардын жалпы чыгымы такталууда.