Казакстандын мурдагы коргоо министри Мурат Бектанов кармалды

Казакстандын мурдагы коргоо министри Мурат Бектанов кармалды. Бул тууралуу Казакстандын Башкы прокуратурасынын басма сөз кызматынан билдиришкен.

Маалыматка ылайык, Бектанов кызмат учурундагы аракетсиздик фактысы боюнча (Казакстандын Кылмыш-жаза кодексинин 452-беренеси) кылмыш жасаган деп шектелүүдө.

"Бир күн мурун Башкы прокуратура коргоо министринин мурдагы жетекчиси Мурат Бектановго кызмат учурунда иштебегендик фактысы боюнча сотко чейинки териштирүүнү баштады", - деп билдирген Казакстандын Башкы прокуратурасы.

Бектановду кармоо 20-февралда болгон. Учурда ал убактылуу кармоочу жайда.

Мурат Бектанов Казакстандын коргоо министри болуп 2021-жылдын август айында дайындалып, 2022-жылдын январь айында Казакстанда орун алган баш аламандыктан кийин кызматынан бошотулган.