Орусия менен Украинанын ортосундагы кырдаал: Володимир Зеленський украиналыктарга кайрылуу жасады (видео)

Украинанын президенти Володимир Зеленський Орусиянын Луганск жана Донецк элдик Республикаларынын көз карандысыздыгын тааныгандан кийин украиналыктарга кайрылуу жасады.

Президент өз видеокайрылуусунда орус бийлигинин аракеттерине карабастан Украинанын чек аралары өзгөрүүсүз каларын белгиледи. Мындан тышкары, ал Орусиянын Луганск жана Донецк Элдик Республикаларын таануусу Минск келишиминен автоматтык түрдө чыгууну билдирерин айтты.

Украин лидеринин сөзүнүн маңызы:

Украина тынчтыкты каалайт жана тынчтык жолу менен гана барат;

Зеленський Донбасстагы кырдаалды дүйнөлүк лидерлер менен талкуулоого жетишти, консультациялар уланат;

Украина Норманд саммитин чакыруу демилгесин көтөрүүдө;

Өлкөнүн чек аралары коопсуз корголот;

Бардык батыш өлкөлөрү Украинаны колдойт;

Украина өзүн-өзү коргоого укуктуу;

Азырынча баш аламан аракеттерге барууга негиз жок;

Украиндер өз жеринде, эч кимден жана эч нерседен коркпойт, эч кимге эч нерсе бербейт.