Украиналык басылмалар Киев, Краматорск жана Одесса шаарларында жардыруу болгонун жазышууда

Украинанын Киев, Краматорск, Одесса, Харьков жана Бердянск шаарларында жардыруунун үндөрү угулуп жатат. Бул тууралуу УНИАН маалымат агенттиги жазды.

"24-февралда, таңкы саат 05:00дөн кийин (Бишкек убактысы боюнча саат 09:00дөн кийин) бир катар шаарларда, анын ичинде Киевде да жардыруулардын үнү угулду. Краматорскдо кеминде төрт жардыруу болду. Одесса, Харьков, Бердянск, Донбасста алгачкы күчтүү аткылоо башталды", - деп айтылат билдирүүдө.

Жардыруулардын үнү борбордо да угулуп жатканы кошумчаланды.

"Учурда Борисполь аэропортуна жакын жерде жардыруу жана атышуу болгондугу тууралуу маалымат келип жатат", - деп билдирди агенттик.

Буга чейин Украинанын тышкы иштер министри Дмитрий Кулеба Орусия Украинага масштабдуу басып кирүүсүн баштаганын билдирген.