Кайра шайлоо. Эки шайлоо округу боюнча 53 миң 29 жаран добуш берди

Бүгүн, 27-февралда Бишкектин Биринчи Май жана Свердлов округунда кайра шайлоо өтүүдө. Автоматтык эсептөөчү урналардан алдын ала маалыматтар чыга баштады.

Эки шайлоо округу боюнча 53 миң 29 жаран добуш берди. Жалпы шайлоочулардын саны 219 миң 654 болчу. Биринчи Май округунан 19 миң 982 шайлоочу, Свердлов округунан 33 миң 47 жаран добуш берди.

Белгилей кетсек, 28-ноябрда өткөн шайлоодо аталган эки округда шайлоого катышкан жарандардын баарына каршы добуш бергендердин саны көп болгон. Анда Биринчи Май районунда 32,92 пайыз, Свердлов районунда 37,48 пайыз бардыгына каршы добуш берген.