БШКнын мүчөсү 5 пайыздан жогору добуш алгандарга шайлоо күрөөсү кайтарылып бериле турганын айтты

Борбордук шайлоо комиссиясынын мүчөсү Узарбек Жылкыбаев 5 пайыздан жогору добуш алгандарга шайлоо күрөөсү кайтарылып бериле турганын айтты. Бул тууралуу ал бүгүн, 1-мартта "Биринчи радиого" берген маегинде билдирди.

"Мыйзам боюнча, 5 пайыздан жогору добуш алса аларга күрөөсү кайтарылып берилет. Азыр андай талапкерлер аз эле. Биринчи Май шайлоо округунда миң добуштан жогоруларга берилет. Свердлов округунда 1 миң 350 добуш алгандарга күрөө кайтарылат", - дейт Узарбек Жылкыбаев.