Координациялык Кеңеш парламенттин 2013-жылдын 27-28-ноябрындагы жыйындарынын күн тартибинин долбоорун бекитти

Жогорку Кеңеште Координациялык Кеңеш парламенттин 2013-жылдын 27-28-ноябрындагы жыйындарынын күн тартибинин долбоорлорун бекитти.

27-ноябрда Жогорку Кеңеште “Жогорку Кеңештин Регламенти жөнүндө”, “Жогорку Кеңештин депутатынын статусу жөнүндө” мыйзамдарга түзөтүүлөрдү киргизүү боюнча мыйзам долбоорлору каралат. Ошондой эле “КРнын Каржы рыногун жөнгө салуу жана көзөмөлдөө боюнча мамлекеттик кызматы жөнүндө” мыйзамга өзгөртүүлөрдү жана толуктоолорду киргизүү тууралуу” мыйзамдын долбоору каралмакчы.

Ал эми 28-ноябрда “КРнын Өкмөтү жөнүндө” конституциялык мыйзамга өзгөртүүлөрдү киргизүү тууралуу” мыйзам долбоору экинчи окууда каралат. Ошондой эле “Адам укугунун жалпыга бирдей декларациясынын 65 жылдыгына байланыштуу мунапыс жөнүндөгү” жана башка мыйзам долбоорунун каралышы күтүлүүдө.