Мадумаров боюнча түзүлгөн депутаттык комиссия бүгүн чечим чыгарат

Бүгүн, 3-мартта депутат Адахан Мадумаров боюнча түзүлгөн депутаттык комиссия чечим чыгарат. Бул тууралуу SUPER.KG порталына аталган депутаттык комиссиянын төрагасы Айбек Осмонов билдирди.

"Буга чейин комиссиянын 5 жыйыны өттү. Бүгүн дагы жыйын өтүп, чечим чыгарабыз", - деди Айбек Осмонов.

10-февралда депутат Адахан Мадумаровду жоопко тартуу боюнча башкы прокурордун сунушу тууралуу депутаттык комиссия түзүлгөн.

Депутаттык комиссиянын курамына кимдер кирди?

• "Ата-Журт Кыргызстан" фракциясынан Айбек Осмонов;
• "Бүтүн Кыргызстан" фракциясынан Исхак Масалиев;
• "Ынтымак" фракциясынан Мурадил Сыдыков;
• "Ишеним" фракциясынан Бахридин Шабазов;
• "Ыйман Нуру" фракциясынан Динара Ашимова;
• Элдик топтон Аманкан Кенжебаев;
• "Альянс" фракциясынан Азамат Исраилов.