Жалал-Абадда мамлекеттик туунун 30 жылдыгы белгиленди (сүрөт)

Бүгүн, 3-мартта Жалал-Абад шаарынын “Эркиндик” аянтында мамлекеттик туунун кабыл алынгандыгынын 30 жылдыгы белгиленди. Бул тууралуу шаардык мэриядан билдиришти.

Салтанаттуу иш-чарага президенттин Жалал-Абад облусундагы ыйгарым укуктуу өкүлү Абсаттар Сыргабаев, шаар мэри Эрнисбек Ормоков, шаардык кеңештин төрагасы Нуртилек Орозбаев, мекеме-ишканалардын кызматкерлери, күч түзүмдөрүнүн кызматкерлери, №704 аскер бөлүгүнүн оркестри жана шаар тургундары катышты.

Белгилей кетсек, мамлекеттик туу 1992-жылдын 3-мартында кабыл алынган. Быйыл мамлекеттик туунун кабыл алынгандыгына 30 жыл толду.