Орусия-Украина кырдаалы: Сүйлөшүү башталар алдында эки өлкөнүн делегациялары кол алышып учурашты (видео)

Беларустун Брест облусунда сүйлөшүүлөрдүн экинчи айлампасы башталар алдында Орусия менен Украинанын делегацияларынын мүчөлөрү кол алышып учурашты.

Сүйлөшүүлөрдүн башталышында орус делегациясы толук курамы менен Украинанын делегациясын залда күтүп турган. Украинанын делегациясы залга кирип, столго отурар алдында тараптар бири-бири менен кол алышып учурашты.

Учурда сүйлөшүү уланууда. Анда Украинада ок атууну токтотуу боюнча маселе каралышы мүмкүн.