Өкмөт башчы жарыкты өчүрүш керек болсо, сауна, оюн-зоок борборлорунда өчүрүү керектигин айтты

Өкмөттүн бүгүнкү жыйынында премьер-министр Жантөрө Сатыбалдиев эгер жарыкты өчүрүү керек болсо, биринчиден, мончо, сауна, оюн-зоок борборлорун өчүрүш керектигин белгиледи. Өлкөдө эртең менен жана кечкисин өчүрүү болуп жатканын айткан өкмөт башчы "эл жарыксыз отурбашы керек, ошондой эле бардык социалдык мекемелерде да электр энергия токтотулбашы зарыл" деди.