Чүйдө ойноп жаткан жеринен дайынсыз жоголгон 8 жаштагы бала табылды

Чүй облусунун Сокулук районунда дайынсыз болуп изделип жаткан 8 жаштагы бала аман-эсен табылды. Облустук ички иштер башкы башкармалыгынан кабарлашкандай, табылган бала ата-энесине өткөрүлдү.

Маалым болгондой, жергиликтүү тургун милиция кызматкерлерине баласын табууга жардам берүү өтүнүчү менен кайрылган. Анда 5-мартта саат 14:00дө үйүнүн жанында ойноп жаткан баласы дайынсыз болуп, табылбай жатканы айтылган.

Бул факты каттоого алынып, издөө иштери башталган. Анын алкагында изделип жаткан 8 жаштагы бала Жыламыш айылынан табылды.