Ош шаарында волейбол боюнча Курманжан датканын Кубогуна арналган мелдеш башталды

Ош шаарында бүгүн, 25-ноябрда волейбол боюнча кыз-келиндер арасында Курманжан датканын Кубогуна арналган мелдеш башталды. Бул тууралуу КРнын волейбол федерациясынан билдиришти.

Маалыматка ылайык, мелдешке 5 команда катышууда. Мелдештин биринчи күнү 4 оюн орун алат.

Белгилей кетсек, мелдешке “Динамо УВД” (Жалал-Абад облусу), “Алай-Датка”  (Ош облусу), “Салам-Алик” (Бишкек шаары), ДЮСШ (Ош шаары) жана “Улар” командалары катышууда. Бул командалар бири-бири менен тегиз ойноп чыгып, упайдын негизинде жеңүүчүнү аныкташат.