Өзбекстандын тышкы карызы 41 миллиард доллардан ашты

Өткөн жылдын аягы менен Өзбекстандын тышкы карызы 41 миллиард 600 миллион долларды түздү. Бул тууралуу Өзбекстандын Каржы министрлиги жарыялаган баяндамасында айтылат.

Ага ылайык, 2021-жылы Өзбекстандын тышкы карызы 2020-жылга салыштырганда 12,7 пайызга көбөйүп, ички дүң өнүмдүн 60,1% түзгөн.

Өткөн жылы Өзбекстандын тышкы соодасынын көлөмү 2020-жылга салыштырганда 16 пайызга көбөйүп, 42,1 миллиард долларды түзгөн. Ошол эле маалда экспорт көлөмү 10% көбөйүп, 16,6 миллиард доллар болсо, импорт 20,4% көбөйүп, 25,5 миллиард долларга жеткен.

Дүйнөлүк банктын божомолуна ылайык, 2022-жылы Өзбекстандын экономикасы 5,6%, 2023-жылы 5,8% өсөт деп күтүлүүдө.