Бишкекте 4 ай мурун каза болгон адамдын жакындары табылбай жатат (абайлаңыз сүрөт)

Бишкекте үй жайсыздар үчүн баш калкалоочу жайда каза болгон адамдын жакындары изделүүдө. Бул тууралуу Бишкек ШИИББинин басма сөз кызматынан билдиришти.

Маалыматка ылайык, 2021-жылы 8-ноябрда Бишкек шаарынын Фере көчөсүндөгү үй жайсыздар үчүн баш калкалоочу жайдан 40-45 жаштардагы кишинин жансыз денеси табылган.

Бою 165-170 сантиметр, кара шым, кара куртка кийип жүргөн. Чачын ак баскан, кыска алынган.

Бул адамдын аты-жөнүн тактоого милиция коомчулуктан жардам сурайт.

Эгер сүрөттөгү адам тууралуу кандайдыр бир маалымат билгендер болсо төмөнкү номерлерге кабарлап коюусун укук коргоо органдары өтүнөт. Байланыш телефону: 0 557 11-94-10; 0702 49-88-88; 0702 37-37-70; 0 776 17-15-15.