"Атасы украин". "Биринчи каналдын" эфирине плакат көтөрүп чыккан Марина Овсянникованын сүрөттөрү

Кечээ, 14-март күнү кечинде "Биринчи каналдын" түз эфиринде Украинада болуп жаткан кырдаалга каршы болгон кыз плакат көтөрүп чыккан. Ал эфирге чыккан маалда түз эфир дароо студиядан жаңылыктын сюжетине өткөн.

Кийинчерээк түз эфирге плакат көтөрүп келген кыз "Биринчи каналдын" редактору Марина Овсянникова экени белгилүү болгон. Ал буга чейин социалдык тармактагы баракчасына атасы украин, апасы Орусиянын жараны экенин айткан видеосун калтырган.

Ал дароо полиция бөлүмүнө жеткирилген. Эми ал административдик жазага тартылат. Марина Овсянникова Кубань мамлекеттик университетинде окуган жана спорт менен алектенет. Көбүнчө сууда сүзүүгө кызыгат.