Депутаттар Ошто чек арачылар дем албай 2 суткадан иштеп жатышканын айтышты

Парламенттин Коргоо жана коопсуздук боюнча комитетинин 25-ноябрдагы жыйынында депутаттар чек арачылардын иштөө шарты тууралуу маселе көтөрүштү. Депутат Курмантай Абдиев ("Ата Журт") Оштогу “Достук” чек ара бекетинде чек арачылар дем албай 2 суткадан иштеп жатканын билдирди. “Мурда аскерлер 1 сутка иштеп, 2 сутка дем алышчу. Азыр тескерисинче, 2 сутка иштеп, 1 сутка дем алышууда. Бул олуттуу эреже бузуу. Аскерлер дээрлик эс албай жатышат”,- дейт Абдиев.