Жантөрө Сатыбалдиев Жалал-Абад жана Ош облусунун электриктеринин ишин сынга алды

Жантөрө Сатыбалдиев кышка карата жылуулук берүү маселесине арналган жыйында Ош жана Жалал-Абад облусунун электриктеринин ишин сындады. Өкмөт башчы "Ошэлектр" ААКсын элге алдын ала эскертпей электр энергиясын өчүрүп жатканын сурап, буга аталган ишканадан алдын ала эскертүү интернет аркылуу таратылып жатат деген жооп алды. "Эгер электр энергиясы жок болсо, эл кантип интернетке кирмек эле?"- деген Жантөрө Сатыбалиев ошол эле учурда Жалал-Абад облусунун энергетиктеринен газга болгон отчётун тапшырууну талап кылды.