Кадамжайдагы тоодо койчу сумкадан ымыркайдын жансыз денесин таап алды (абайлаңыз сүрөт)

Баткен облусунун Кадамжай районунда жаңы төрөлгөн баланын жансыз денеси табылды. Бул тууралуу SUPER.KG порталына Баткен облустук ички иштер башкармалыгынан билдиришти.

"Кадамжай районунун Миң-Жылга аймагындагы тоодон койчу кой кайтарып жүрүп, сумка таап алган. Сумканын ичин ачканда ымыркайдын жансыз денеси чыккан. Учурда ымыркайдын сөөгү экспертизага берилип, бул боюнча тергөө иштери башталды", - деп билдиришти Баткен облустук ички иштер башкармалыгынын басма сөз кызматынан.