"Маанайлары беш". Америкалык ковбойлордун жеңишке жеткендеги эмоциялары сүрөттөрдө (фото)

19-март күнү Ысык-Көл облусунун Чолпон-Ата шаарындагы ипподромдо америкалык ковбойлор менен кыргыз көк бөрүчүлөрү күч сынашты.

Биринчи оюн 18-мартта өтүп, 6:5 эсебинде кыргыз улакчыларынын жеңиши менен аяктаса, 19-марттагы экинчи оюнда ковбойлор 8:6 эсеби менен жеңишке жетишти.

Анда эмесе, оюн учурундагы америкалык ковбойлордун сүрөттөрүн тартуулайбыз. Сүрөт баяныбызда алардын сүйүнгөн жүздөрүн, кызыктуу эмоцияларын көрүүгө болот.

Уилл Грант - Батыш Американын жери жана эли тууралуу жазган журналист, 2018-жылкы Дүйнөлүк көчмөндөр оюнунун катышуучусу

Лэдд Хауэлл – аттар үчүн кошулма чыгарган компанияда иштейт жана родео боюнча кесиптик жарыштарга катышат. Орус тилин билет, 2018-жылкы Дүйнөлүк көчмөндөр оюнунун катышуучусу

Ник Уиллерт – аралаш мушташ искусствосу боюнча кесипкөй мушкер, бразилиялык джиу-джитсу боюнча 1-баскычтагы кара кемердин ээси, 2018-жылкы Дүйнөлүк көчмөндөр оюнунун катышуучусу

Скотт Циммерман – АКШнын Көк бөрү боюнча 2016-жылкы курама командасынын мүчөсү жана 2018-жылкы Дүйнөлүк көчмөндөр оюнуна катышкан, команданын капитаны. Ал АКШнын Спорттун көчмөндөр түрү федерациясынын теӊ төрагасы