Тамеки тартуудагы этиятсыздыктан улам бир адам түтүнгө ууланып каза болду

2013-жылдын 25-ноябрында Чүй облусунун Аламүдүн районунун Гроздь айылындагы бир турак үйдө өрт кырсыгы катталган. Өрт болжол менен саат 13:15тер чамасында болгон. Өрт өчүрүүчүлөр айтылган дарекке барышканда турак үйдүн бир бөлмөсүнүн 40 чарчы метр жыгач полу, эмеректери жана бөлмөнүн ичиндеги төшөнчүлөр күйгөн. Ошондой эле бөлмөдөн 1936-жылы туулган С.А. аттуу адамдын жансыз денеси табылган. Алдын ала айтылган маалыматтарга караганда, ал түтүнгө ууланып калган. Ал эми өрттүн келип чыгуу себеби тамеки тартуудагы этиятсыздык болгон.