Кыргыз-Түрк Достук мамлекеттик ооруканасында баалар көтөрүлдүбү? Элчиликтин жообу

23-мартта Кыргыз-Түрк Достук мамлекеттик ооруканасында өткөрүлгөн маалымат жыйындан кийин кээ бир ЖМКларда чыккан маалыматтарда ооруканада баалардын көтөрүлгөндүгү тууралуу айтылган. Түркия Республикасынын Кыргызстандагы элчилиги бул маалымат тарагандан кийин төмөнкүчө билдирүү жасады.

"Кыргыз-Түрк Достук мамлекеттик ооруканасында баалар көтөрүлгөн жок. Тескерисинче, жалпы хирургиялык операциялардын баалары төмөндөтүлдү. Ошондой эле оорукана иштей баштагандан бери медициналык кызматтардын баасында эч кандай өзгөрүү болгон жок. Бүгүнкү күнгө чейин ооруканада 34 ачык жүрөк операциясы, 273 бейтапка жүрөк тамырларынын коронарографиясы жасалып, 287 бейтапка стент коюлган.Операциялардын баасы жүрөк-кан тамыр оорулары менен жабыркаган бейтаптарды дарылоого багытталган Кыргызстандагы башка мамлекеттик жана менчик клиникаларга караганда кыйла арзан", - деп жазылат билдирүүдө.

Маалыматка ылайык, учурда ооруканада Түркиядан 64, Кыргызстандан 58 медицина кызматкеринен турган, жалпысынан 122 киши кызмат көрсөтөт.