Чүйдө жергиликтүү тургундун уюн былтыркы жылы уурдаган жаран кармалды

Чүй облусунун Москва районунда уурулукка шектелип 32 жаштагы жаран колго түшүрүлдү. Облустук ички иштер башкы башкармалыгынан билдиришкендей кармалган жаран мал уурдоого шектелүүдө.

Маалыматка ылайык, 23-мартта Москва районунун тургуну милицияга арыз менен кайрылган. Арызда 2021-жылдын ноябрь айында белгисиз адамдар бир баш уйду уурдап кеткендиги айтылган.

Бул факты Кылмыштардын бирдиктүү реестрине 205-берене (Уурдоо) боюнча каттоого алынган.

"Жүргүзүлгөн ыкчам издөө иш-чараларынын негизинде жогорудагы кылмышка шектелип 1990-жылы туулган Н.Ж. аттуу жаран кармалып тергөө кызматына тапшырылды. Учурда сотко чейинки өндүрүш иштери улантылууда", - дешти мекемеден.