ЖАМК: "Атамбаев белгисиз себептер менен комиссиялык экспертизадан кескин баш тартты"

Алмазбек Атамбаев белгисиз себептер менен комиссиялык экспертизадан кескин баш тартты. Бул тууралуу ЖАМКнын басма сөз кызматынан билдиришти.

Маалыматка ылайык, айыпталуучу Алмазбек Атамбаевдин диагнозун тактоо максатында 24-мартта Саламаттык сактоо министрлигине кат жөнөтүлгөн.

"Каттын негизинде 28-мартта Саламаттык сактоо министрлигинин адистеринен (кардиолог, невропатолог, эндокринолог жана оториноларинголог) турган дарыгерлердин комиссиялык текшерүүсү дайындалган.

Бирок бүгүн, 28-мартта Саламаттыкты сактоо министрлигинин жогорудагы адистери №47 медициналык түзөтүү мекемесине барганда айыпталуучу Атамбаев белгисиз себептер менен комиссиялык экспертизадан кескин баш тартты. Бул боюнча Саламаттык сактоо министрлигинин адистери акт түздү", - деп жазылат маалыматта.

Белгилей кетсек, буга чейин Саламаттыкты сактоо министрлигинин адистеринин ичинен комиссиялык текшерүүлөр бир нече жолу уюштурулуп, айыпталуучу Алмазбек Атамбаев андан баш тарткан.